Fanehoan-javatra mifintina sy mivelatra

Ny fanehoan-javatra mifintina dia iheverana hatramin'ny fanombohany ka hatramin'ny fiafarany ny asa na toetra lazain'ny matoanteny. Matetika mifangaro amin'ny fanehoan-javatra efa ny fanehoan-javatra mifintina ao amin'ny fiteny tsy manana marika hanavahana izany. Amin'ny fiteny frantsay dia ny mari-potoana lasa tsotra (frantsay: passé simple) ao amin'ny filaza tsotra no maneho izany.

Ny fanehoan-javatra mivelatra dia iheverana ny ampaham-potoana isehoan'ny asa na toetra lazain'ny matoanteny. Matetika mifangaro amin'ny fanehoan-javatra tsy efa ny fanehoan-javatra mivelatra ao amin'ny fiteny tsy manana marika hanavahana izany. Amin'ny fiteny frantsay dia ny mari-potoana lasa tsy efa (frantsay: imparfait) ao amin'ny filaza tsotra no maneho izany. Ao amin'io fiteny io ihany dia misahana izany koa amin(ny ankapobeny ny mari-potoana ankehitriny (frantsay: présent) ao amin'ny filaza tsotra.

• Fanehoan-javatra
• Fanehoan-javatra efa sy tsy efa
• Fanehoan-javatra mitohy sy tsy mitohy
• Fanehoan-javatra mifetra sy tsy mifetra