Fanasana tongotra

Ny fanasan-tongotra dia fanao ara-pivavahana tanterahina ho fahatsiarovana ny nanasan' i Jesoa Kristy ny tongotr' ireo mpianany ny omalin' ny andro hijaliany, talohan' ny hiarahany miakafo amin' izy ireo. Amin' ny Alakamisy Masina no anatanterahana izany fomba izany hatramin' ny andron' ny Fiangonana voalohany ary izany dia nolovan' ny fiangonana kristiana hatra aty aoriana, afa-tsy ao amin' ny fiangonana prôtestanta sasany.

Manasa ny tongotry ny mpianany i Kristy, sary nataon' i Meister des Hausbuches, 1475 (Gemäldegalerie, Berlin)

Ao amin' ny Vavao Mahafaly araka an' i Joany (Joa 13.1-17) no itantarana ny fanasan-tongotra nataon' i Jesoa an' ireo mpianany, ka izao no hafatra nataony momba izany:

"¹⁴Ka raha izaho Tompo sy Mpampianatra aza nanasa ny tongotrareo, hianareo samy hianareo koa dia tsy maintsy hifanasa tongotra; ¹⁵satria nomeko fianarana hianareo mba hanaovanareo toy ny nataoko taminareo. ¹⁶Lazaiko marina dia marina aminareo: Ny mpanompo tsy ambony noho ny tompony; na ny iraka tsy ambony noho izay naniraka azy. ¹⁷Raha fantatrareo izany, dia ho sambatra hianareo raha manao izany. " (Joa 13.14-17, Ny Baiboly Masina).

Tsy miresaka ny amin' ny fifanasan-tongotra ireo Filazantsara Sinôptika (Matio sy Marka ary Lioka).

Maro ireo fiangonana (isan' izany ny Anglikana, ny Loterana, ny Metôdista, ny Presbiteriana, ny Menônita ary ny Katôlika) manatanteraka fifanasan-tongotra amin' ny Alarobia Fanasan-tongotra na Alarobia Masina ao amin' ny Herinandro Masina. Misy koa ireo fiangonana izay manao ny fifanasana tongotra ho ôrdônansan'ny fiangonana, ka isan' izany ny Adventista, ny Anabatista, Baptista, ny Batista Afaka, ary ny Pentekôstista.