Etanima (volana hebreo)

Ny Etanima dia volana fahafito ao amin'ny tetiandro hebreo talohan'ny fahababoan'ny Jiosy na Jody tany Babilona. Nosoloana ny anarana hoe Tisry (hebreo: תִּשְׁרִי / Tishrí) ny anaran'io volana io taorian'ny fahababoana. Amin'ny teny hebreo dia atao hoe אֵתָנִים / Ethanim (midika ara-bakiteny hoe "mahery") ny anaran'io volana io. Ity volana ity dia manitsaka ny volana Septambra sy Oktobra. Ny volana Etanima dia voaresaka ao amin'ny Boky voalohan'ny Mpanjaka (1Mpan. 8.2).