Erfurt

I Erfurt dia tanàna any Alemaina, renivohitr' i Thüringen (frantsay: Thuringe), evesea katôlika sady tanàna misy oniversite, niorina tamin' ny taonjato faha-13, vakivakin' ny renirano Gera.

Ny tanànan' i Erfurt ahitana ireo trano fiangonana mijoalajoala

I Erfurt no tanàna lehine indrindra ao Thüringen sady iray amin' ny metrôpôlim-paritra (Oberzentren) manampy an' i Gera sy Iena. I Erfurt no foiben' ny sampan-draharaha lehibe samihafa: ny tribonaly federalin' ny asa, ny oniversiten' i Erfurt ary ny evesea (izay manana katedraly (Erfurter Dom) malaza manampy ny Krämerbrücke izay iray amin' ireo zava-boaorina lehibe ao amin' io tanàna io). Ahitana zavatra naorina tamin' ny Andro Antenatenany koa io tanàna io izay ahitana trano sy fiangonana mampiavaka izany izany vanimpotoana izany.

Ny toerana misy azy eo amin' ny lalana mampitohy an' i Rhin amin' i Rosia dia nahalasa azy, hatramin' ny Andro Antenatenany, ho toerana fanaovana raharaham-barotra malaza ka nahatonga azy hikambana ao amin' ny Hanse tamin' ny taonjato faha-15.