Seleokida

Ny Seleokida na Seleosida dia fianakaviana mpanjaka makedôniana izay nanapaka tany Atsinanana Akaiky tamin' ny taonjato faha-4 hatramin' ny taonjato voalohany tal. J.K. Niforona tamin' ny nizaràn' ny fanjakan' i Aleksandra Lehibe tamin' ireo mpandimby azy ny fanjakana seleokida ka niitatra nankany atsinanana izany, avy any Azia Minora mankany amin' ny atao ankehitriny hoe Pakistàna. Ny mpanjaka nalaza indrindra dia i Seleokosy I Nikatora, i Antiokosy I Sotera, i Antiokosy II Teosy, i Seleokosy II Kalinikosy, i Antiokosy III Megasy ary i Antiokosy IV Epifanesy. Nanomboka tamin' ny taona 312 tal. J.K. hatramin' ny taona 163 tal. J.K. ny faharetan' ny fanjakan' izy ireo.

Ny Empira seleokida tamin'ny andron'i Seleokosy I (miloko mavo), talohan'ny ady Seleokida-Maoriana

Ny fanjakana seleokida dia nanana renivohitra telo, dia i Antiôkia (na Antiôka) sy i Seleokian' i Tigrisy (na Seleosian' i Tigra) any Mesôpôtamia (na Mezôpôtamia) ary i Seleokian' i Pieria. Ny Seleokida dia grika fiteny sy kolontsaina ka namporisika ny mpijirika grika honina amin' ny tany izay azony. Teo amin' ny fomba fitondrany anefa dia naka tahaka ireo mpanjaka siriana sy mesôpôtamiana ary persiana nodimbasany izy ireo. Nanomboka tamin'ny fitondran' i Antiôkosy II dia notompoina toy ny andriamanitra izy ireo. Matetika ny Seleokida no niady tamin' ny fianakavia-mpanjaka ptôlemaika tany Egipta.

Taorian'ny taona 250 tal. J.K. dia nitambotsotra tsikelikely ny fifehezan'ny Seleokida ny faritra atsinanan'i Eofrata ka voaroaka avy any Azia Minora izy ireo. I Siria no faritra farany nanjakany nefa lasa tany fehezin'i Roma izy tamin'ny taona 64 tal. J.K.