Eglizy Katôlika Apôstôlika Malagasy

Ny Eglizy Katôlika Apôstôlika Malagasy (na Eglise Catholique Apostolique Malgache - ECAM) dia fiangonana tsy miankina eto Madagasikara, manaraka ny firehan' ny katôlisisma, tsy isan' ny Eglizy Katôlika Apôstôlika Rômanina (EKAR) eto Madagasikara, niorina voalohany tao Bekily, ao amin' ny Faritra Androy, sady manana ny foiben-toerany ao koa. Ny pretra Damy Foliantsoa, izay nanompo tao amin' ny EKAR tamin' ny voalohany, no mpanorina azy[1]. Manaraka tanteraka ny fombam-pivavahana katôlika mahazatra ny maro izany fiangonana izany.

Efa nahazo fankatoavana tamin' ny fitondram-panjakana malagasy ilay fiangonana tamin' ny Desambra 2015 nefa nofoanan' ny piraiminisiratra Olivier Mahafaly Solonandrasana tamin' ny fotoanandrony indray izany tamin' ny volana Avrily 2016[2]. Na dia izany aza dia tsy mitsahatra manao fanompoam-pivavahana ilay fiangonana taorian' io fanafoanana ny fankatoavana azy io ary mitombo hatrany isan' ny mpino ao aminy.

Jereo koa

Rohy ivelany

Loharano sy fanamarihana
  1. "Ekar manoloana ny Ekam: "Aoka tsy ho voarebireby isika”, hoy ny Mgr Tsarahazana Désiré", Newsmada.com.
  2. "Eglise catholique ECAR contre ECAM : le PM fait son choix", Madagascar Television.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.