Boky fahadimin' ny Makabeo

Ny Boky fahadimin'ny Makabeo dia boky ara-pivavahana jiosy izay tsy isan'ireo boky ao amin'ny Tanakh na amin'ny Baiboly kristiana. Apokrifa io boky io fa tsy deoterokanonika na ho an'ny Katolika na ho an'ny Ortodoksa. Ny Protestanta dia manasokajy azy ho pseodepigrafa.

Anaran'ilay boky

Ny anarana hoe Boky fahadimin'ny Makabeo (5Makabeo) dia nampidirin'i Henry Cotton[1] ka notazomin'i Samuel Davidson sy ny hafa koa[2]. Ireto koa ny lohateny hafa iantsoana ilay boky: Boky faharoan'ny Makabeo Arabo na Bokin'ny Makabeo Arabo[2].

Votoatiny

Mitantara ny zava-nitranga tamin'ny saika hamaboan'i Heliodorosy ny fanaka tao an-Tempoly tamin'ny taona 186 tal. J.K. hatramin'ny nahafatesan'ny zanakalahy roan'i Heroda Lehibe tamin'ny taona 6 tal. J.K. ny boky.

Sahala amin'ireo Bokin'ny Makabeo efatra voalohany, ity boky ity dia mikendry ny hampionona ny Jiosy amin'ny fahoriany sy mamporisika azy ireo haharitra amin'ny fitandremana ny Lalàn'i Mosesy.

Jereo koa:

Loharano
  1. Henry Cotton, trans. The Five Books of Maccabees in English, with Notes and Illustrations. Oxford: Oxford UP, 1832.
  2. "Maccabees, Books of, 3-5". International Standard Bible Encyclopedia. Retrieved 7 May 2013 – via biblestudytools.com.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.