Banky Foiben' i Madagasikara

Ny Banky Foiben' i Madagasikara (BFM) dia banky ambonin' ny banky sy ny fitehirizam-bola hafa rehetra izay manana alalana manokana hametra ny vola ampiasaina eto Madagasikara. Tamin' ny 12 Jona 1973 no nananganana azy, ka izy izany no mpandimby ny Institut d'Émission Malgache. Tamin' ny taona 2005 izy dia nanova anarana ny vola malagasy izay naverina amin' ny anarany hoe "Ariary" fa tsy "Franc malagasy" intsony.

Vola malagasy mbola nahitana farany ny Franc nivoaka tamin' ny taona 1994.

Ao no maka na mametraka vola ny Tahirimbolam-panjakana malagasy sy ireo banky hafa rehetra -- toy ny Bank Of Africa (BOA), ny Banque Nationale de l'Industrie (BNI), Banque malgache de l’océan Indien (BMOI), ny Banky Fampandrosoana ny Varotra (BFV), sns -- ary ireo mpisahana ny famatsiam-bola madinika.

Sampana sy masoivoho

Sampana:

  • Toamasina TMS
  • Fianarantsoa FIA

Masoivoho

  • Antsiranana ATS
  • Nosy Be NSB
  • Mahajanga MGA
  • Sambava SBV
  • Manakara MKR
  • Tolagnaro FTD
  • Morondava MDV
  • Toliary TUL

Ireo governora nifandimby
  • 1973-1983: Leon Maxime Rajaobelina
  • 1984-1988: Richard Randriamaholy
  • 1988-1993: Blandin Razafimanjato
  • 1993-1994: Raoul Joëlson Ravelomanana
  • 1996-2007: Gaston Edouard Ravelojaona
  • 2007-2012: Frédéric Rasamoely
  • 2012-2013: Guy Ratovondrahona
  • 2013-2014: Vonimanitra Razafimbelo
  • 2014-2019: Alain Rasolofondraibe
  • hatramin' ny 2019: Henri Rabarijohn

Rohy ivelany
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.