Baiboly ôrtôdôksa

Ireo boky prôtôkanônika ireo dia iraisany amin' ny Prôtestanta sy ny Katôlika ary ny Jiosy, ka ireto avy izy ireo:

Jenezy, Eksaody, Levitika, Nomery, Deoterônômy, Josoa, Mpitsara, Rota, Samoela voalohany, Samoela faharoa, Mpanjaka voalohany, Mpanjaka faharoa, Tantara voalohany, Tantara faharoa, Esdrasa, Nehemià, Estera, Joba, Salamo, Ohabolana, Mpitoriteny (na Koheleta), Tononkira dia Tononkira, Isaia, Jeremià, Fitomaniana, Ezekiela, Daniela, Hosea, Joela, Amosa, Obadia, Jonà, Mikà, Nahoma, Habakoka, Zefania, Hagay, Zakaria, Malaky.

Tsy mitovy ny isan' ny boky fanampiny ao amin’ ny Baibolin' ny mpino ôrtôdôksa arakaraka ny faritra eto ambonin’ ny tany misy ilay fiangonana (Ôrtôdôksa tandrefana sy Ôrtôdôksa tatsinanana sy Ôrtôdôksa siriaka ary Ôrtôdôksa teoahedo).

Amin’ ireo boky ireo, ny Tôbia (na Tôbita), ny Jodita, ny Makabeo voalohany sy faharoa, ny Fahendren’ i Salômôna, ny Sirasida, ny Baroka, ny tovan' ny Bokin' i Estera ary tovan' ny Bokin’ i Daniely dia deoterôkanônika iraisan’ ny Baiboly ôrtôdôksa amin’ ny Baiboly katôlika. Ireo boky ireo dia ataon’ ny Prôtestanta hoe "apôkrifa".

Ny Baibolin' ny Ôrtôdôksa tatsinanana dia ahitana ireto boky sy soratra fanampiny ireto:

• 1 Esdrasa/3 Esdrasa
• 2 Esdrasa/4 Esdrasa (izay hita any amin’ ny fanampiny ao amin’ ny Baiboly slavônika)
• Vavak'i Manase
• 3 Makabeo
• 4 Makabeo (izay hita ao amin’ ny Septoaginta)
• Salamo faha-151 (izay hita ao amin’ ny Septoaginta)
• Bokin'Antsa

Anisan' ny Fiangonana ôrtôdôksa tatsinanana ny Fiangonana ôrtôdôksa siriaka nefa ny Testamenta Taloha ao amin' ny Baiboliny dia ahitana ireto boky sy soratra fanampiny ireto:

• 2 Baroka miaraka amin’ ny Taratasin' i Baroka (ity farany no kanônika).
• Salamo faha-152 hatramin'ny faha-155 (tsy kanônika)

Isan'ny Fiangonanana ôrtôdôksa tatsinanana ny Fiangonana ôrtôdôksa teoahedo etiôpiana dia namaritra ny lisitry ny boky kanônikany. Maromaro ihany ny boky fanampiny ao amin’ ny Baiboly ôrtôdôksa etiôpiana teoahedo izay ahitana ny boky deoterôkanônika rehetra. Ireto ny ao amin' ny Testamenta Taloha:

• 4 Baroka (na Paralipômenan’ i Jeremia)
• 1 Enoka (na Henoka)
• Jobily
• 1 Mekabiana
• 2 Mekabiana
• 3 Mekabiana
• Fiakaran' i Isaia

Ireo Bokin' ny Mekabiana ireo dia tsy mitovy amin’ ny Bokin' ny Makabeo.

Ny boky rehetra sady tsy prôtôkanônika no tsy deoterôkanônika ao amin' ny Baiboly katôlika dia sokajîn' ny Prôtestanta ho boky pseodepigrafika.

Iraisan’ireo fiangonana ôrtôdôksa amin’ ny fiangonana kristiana hafa ny boky kanônika ao amin’ ny Testamenta Vaovao. Ireto avy izy ireo: Matio, Marka, Lioka, Joany, Asan’ny Apostoly, Rômana, Kôrintiana voalohany, Kôrintiana faharoa, Galatiana, Efesiana, Filipiana, Kôlôsiana, Tesalôniana voalohany, Tesalôniana faharoa, Timoty voalohany, Timoty faharoa, Titosy, Filemôna, Hebreo, Jakoba, Petera voalohany, Petera faharoa, Joany voalohany, Joany faharoa, Joany fahatelo, Joda, Apôkalipsan'i Joany.

Ny Fiangonana ôrtôdôksa teoahedo etiôpiana dia manampy boky hafa ao amin' ny Testamenta Vaovao izay tsy eken' ny fiangonana hafa ho bokim-pivavahana[1]. Isan' izany ny Epistilin' ny Apôstôly.