Azerbaijàna

I Azerbaijàna dia firenena ao Azia Andrefana, ao amin’ ny faritr’ i Transkaokazia izay manana morontsoraka ao amin’ ny Ranomasina Kaspiana. Manana velaran-tany mirefy izy. Ny renivohiny dia i Baku. Ny tanàna lehibe indrindra dia ny renivohiny. Mirefy 86 600 km² ny velarantaniny ary miisa 9 356 500 ny mponiny ao aminy araka ny fanisana natao tamin' ny taona 2013. Mamaritra azy avy ao avaratra i Rosia, avy ao atsimo i Iràna, avy ao atsimo-andrefana i Torkia, avy ao andrefana i Armenia, ary avy ao avaratra-andrefana i Jeôrjia. Ny tanin’ i Azerbaijàna dia mahafaoka ny faritra mizaka tenan’ i Karabagh Ambony (ao amin' ny tapany andrefan’ ilay firenena) sy ny Repoblika Mizakatenan’ i Nakhitchevan (ao amin' ny tapany atsimo-andrefana, misaraka amin’ ny sisa amin’ i Azerbaijàna amin’ ny alalan’ ny ampahan-tany tery an’ i Armenia). Ny ampahany be amin’ i Azerbaijàna dia ny lemak’ i Koura (izay ony lehibe indrindra ao amin’ ny faritra transkaokaziana). Ny ilany avaratr’ ilay firenena dia be tendrombohitra : i Kaokazy Lehibe dia manana haambo mirefy 4 466 m fa i Kaokazy Kely kosa 3 500 m. Maina ny toetany any Azerbaijàna.

Sarin-tanin' i Azerbaijàna

Azərbaycan Respublikası (Azerbaijani)
Repoblikan' i Azerbaijàna ((mg))
(Antsipirihany) (Antsipirihany)
Teny ofisialy	azerbaijaney (fitenim-panjakana)
Renivohitra	Bakı 40°06′N 47°19′E
Tanàna lehibe indrindra	Bakı
Fitondrana sy governemanta  - Filoha  - Praiminisirtra	Repoblika Ilham Aliyev (İlham Əliyev) Ali Asadov (Əli Əsədov)
Velarantany  - Tontaliny  - Rano (%)	faha 112 86 600 km² 2020
Isam-ponina  - Tontaliny (2019)  - hakitroka	faha 88 10 073 200 mpo. 115 mpo./km² {{{1}}}
Anaran'ny mponina	Azerbaijaney
Sandam-bola	Manat (AZN)
Faritr'ora	UTC
Hiram-pirenena	'
Valan-tsehatra internet
Antso an-tariby	+++994

Ny mponina any Azerbaijàna dia ahitana indrindra ny Azery, izay vahoaka manam-piaviana torka. Maro koa ireo vahoaka vitsy an’ isa, ka anisan’ izany ny Armeniana izay hita indrindra ao Karabagh Ambony. Ny fivavahana silamo no fivavahana arahin’ ny maro anisa ao amin’ io forenana io, izay ahitana koa Kristiana vitsy. Ny fiteny azery no fiteny ôfisialy ao.

Misy solitany sy etona voajanahary ao amin’ ny Ranomasina Kaspiana i Azerbaijàna. Miankina amin’ ny fitrandrahana solitany ny toekareny. Na dia izany aza dia mbola isan’ ireo firenena tana mahantra i Azerbaijàna. Maro ireo orinasa tantanin’ ny fanjakana.

Repoblika sôsialista sôvietika taloha i Azerbaijàna izay nahazo ny fahaleovan-tenanay tamin’ ny taona 1991. Mpikambana ao amin’ ny Fianakaviamben' ny Firenena Mahaleo Tena (Communauté des États indépendants -- CEI) i Azerbaijàna. Nanomboka tamin’ ny taona 1990 dia nisy ny ady mitam-piadiana teo amin’ i Azerbaijàna sy i Armenia momba ny firafetan’ i faritr’ i Karabagh Ambony amin’ ny Repoblikan’ i Armenia.