Boky faharoan'i Baroka

Ny Boky faharoan'i Baroka dia boky apokrifa (na pseodepigrafa) jiosy izay heverina fa nosoratana tamin'ny faramparan'ny taonjato voalohany na tamin'ny fiandohan'ny taonjato faha-2, taorian'ny naharavan'ny Tempolin'i Jerosalema tamin'ny taona 70. I Baroka no heverina ho nanoratra azy. Ny Jiosy sy ny ankamaroan'ny fiangonana kristiana anefa dia tsy mandray azy ho soratra masina. Atao hoe Apokalipsy siriakan'i Baroka koa io boky io. Ny tapany voalohany, izay lehibe indrindra amin'ny boky (toko 1 - 77), dia tena soratra apokaliptika tokoa fa ny tapany faharoa (toko 78-87) dia atao hoe Taratasin'i Baroka ho an'ny Foko sivy sy tapany.