Fiteny alemàna
Ny fiteny alemàna dia isan'ireo fiteny indo-eoropeana ao amin'ny sampana andrefan'ireo fiteny jermanika. Noho izy io manana fitenim-paritra maro dia lasa fiteny-tafo (Dachsprache) ny fiteny alemàna. Atao hoe Deutsch, vakina hoe /ˈdɔʏtʃ/, io fiteny io amin'ny fiteny alemàna.
Nanomboka tamin'ny tapany voalohany amin'ny Andro Antenantenany ny tantaran'ny fiteny alemàna amin'ny maha fiteny miavaka amin'ny fiteny jermanika andrefana hafa azy, tamin'ny vanim-potoana faharoan'ny fiovan-drenifeo.
Amin'izao taonjato faha-21 izao dia misy mpiteny any amin'ny 100 000 000 ny fiteny alemàna izay miparitaka ao Eoropa, ka mahatonga azy ho fiteny be mpampiasa indrindra ao amin'ny Vondrona Eoropeana. Ny fiteny alemana dia fiten'ny olona any Alemaina, Soisa, Aotrisy, Belzika, Loksemborga ary Italia.
Jereo koa
Fiteny jermanika be mpiteny