Akanga
Ny akanga dia vorona mitovitovy endrika sady iray karazana amin'ny akoho sy ny vorombola, fa izy somary kely loha sady manana volo mainty mipentipentina fotsy. Maro karazany ny akanga ka ny sasany fiompy fa sasany hafa akangadia. Miara-monina sy miara-mandeha ny akanga, ary tia mandeha sy mihazakazaka amin'ny tany na dia afa-manidina soa aman-tsara aza. 40 hatramin'ny 72 sm ny habeny ary fohy sady miondrika ny rambony. Misy dongona somary maranitra sady mafy ny tampon-dohany. Ompian'ny olona mba hatao haingon-tanàna ny akanga nefa koa azo ompiana mba ho hanin-kena. Ao Afrika izay tany fiaviany sady ahitana akangadia betsaka. Tsy mifidy zavatra hohanina ny akanga, ka haninyna ny ahitra maitso, na ny voamadiika 'vary, katsaka, sns), ny bibikely, ny biby madinika (voalavo, sahona, sns), ny kankana, ny sifotra, sns.
Miisa eo amin'ny 12 hatramin'ny 15 ny akanga ary mamana manritra ny 27 hatramin'ny 28 andro mba hahafoy ny atodiny. Samy mandray anjara amin'ny fitaizana ny zanany ny akangalahy sy ny akangavavy.
Atao hoe kanga ny akanga amin'ny teny soahily.
Ohabolana malagasy momba ny akanga
- Akanga maro tsy vakin' amboa.
- Ny akanga aza mahalala "Tsaratsarao", ka mainka ny olombelona.
- Mahita ny akanga tsara soratra ka manary ny akoho taman-trano.
- Na dia eo aza ny akanga tsara soratra, ny afindrafindrao tsy azo avela.
- Akanga diso an’ Andringitra : ny tenabe no aty, fa ny fo mametsovetso any ihany.