Afrika Atsimo

I Afrika Atsimo dia firenena ao amin' ny faritra atsimo ao Afrika, manana velaran-tany mirefy 1 219 090 km². Mamaritra azy avy ao avaratra i Namibia, i Bôtsoana, i Zimbaboe, i Môzambika ary i Esoatiny, ao atsinanana ny Ranomasimbe Indiana, ao andrefana ny Ranomasimbe Atlantika. I Lesôtô indray dia firenena rakotra tanteraka ao anatin' i Afrika Atsimo. Miisa eo amin' ny 48,7 tapitrisa eo ho eo (araka ny fanisam-bahoaka tamin' ny taona 2008) ny mponina ao.

Republic of South Africa ((en))
Republiek van Suid-Afrika af
IRiphabliki yaseMzantsi Afrika xh
IRiphabliki yaseNingizimu Afrika zu
IRiphabliki yeSewula Afrika nbl
Repoblikan' i Afrika Atsimo ((mg))
(Antsipirihany) (Antsipirihany)
Teny filamatra : « !ke e: ǀxarra ǁke » (ǀXam)
Teny ofisialy	fiteny afrikaans, fiteny anglisy, fiteny ndebele (isindebele), fiteny xhosa (isixhosa), fiteny zulu (isizulu), fiteny sotho avaratra (sepedi), fiteny sothodu atsimo (sesotho), fiteny tswana (setswana), fiteny siswati (siSwati), fiteny venda venda (tshivenda), fiteny tsonga (xitsonga).
Renivohitra	Pretoria Le Cap Bloemfontein
Tanana lehibe indrindra	Johannesburg
Fitondrana sy governemanta  - Filohan'i Afrika Atsimo	Repoblika Cyril Ramaphosa
Velarantany  - Tontaliny  - Rano (%)	faha 25 1 219 912 km² Azo tsy kaontiana
Isam-ponina  - Tontaliny (2009)  - hakitroka	faha 27 49 052 489 mpo. 40.2 mpo./km² {{{1}}}
Anaran'ny mponina	Afrikanina
IDH (2006)	0.670 (moyen) 125[1]
Sandam-bola	Rand (ZAR)
Faritr'ora	UTC +2
Hiram-pirenena	Nkosi Sikelel'iAfrika/Die Stem Die Stem van Suid Afrika Nkosi Sikelel'iAfrika
Valan-tsehatra internet
Antso an-tariby	+27

Be harena an-kibon' ny tany i Afrika Atsimo (volamena, diamondra sns.), ireo harena ireo no anisan' ny mahatonga azy ho firenena matanjaka indrindra ao Afrika.

Ilay mpandeha an-tsambo atao hoe Vasco de Gama no Eorôpeana nahita an' i Afrika Atsimo Voalohany tamin' ny taona 1498. Nozanahin' ny Hôlandey i Afrika Atsimo tamin' ny taonjato faha-17, avy eo nozanahin' ny Britanika nanomboka tamin' ny tana 1795. Taorian' ny adin' ny Bôersa izay nampifanandrina ny Anglisy sy ny Afrikanera (taranaky ny mpijirika avy any Hôlandy sy avy any Frantsa), teo anelanelan' ny taona 1899 sy 1902, dia niforona ny Firaisana Afrikana Tatsimo tamin' ny taona 1910. Io no lasa Repoblikan' i Afrika Atsimo tamin' ny taona 1961. Nanamarika ny tantaran ' i Afrika Atsimo tamin' ny atsasany faharoa amin' ny taonjato faha-20 ny pôlitikan' ny fanavakavaham-bolon-koditra (apartheid). Teo anelanelan' ny taona 1948 sy 1991 dia nitsinjara ho vondrona efatra voasaraka mazava tsara ny vahoaka tao Afrika Atsimo; dia ny mainty hoditra, ny safiotra, ny fotsy hoditra ary ny Indiana. Tamin' ny fiantombohan' ireo taona 1960 dia nisy ny fanoherana izany pôlitikan' ny fanavakavaham-bolon-koditra izany ka i Nelson Mandela no nitarika izany. Novotsorana avy tao am-ponja ity mpitari-tolona ity tamin' ny tana 1990 rehefa natao ny fampihavanam-pirenena, ary voafidy ho filohan' i Afrika Atsimo tamin' ny taona 1994.