Ômàna

I Ômàna dia firenena ao Atsinanana Akaiky, any Azia, ao amin’ ny tapany atsimo amin’ ny Saikanosin' i Arabia sady manana morontsiraka ao amin' ny Ranomasin' i Arabia. I Muscat no renivohiny. Ny tanàna lehibe indrindra dia ny renivohiny. Mirefy 309 501 km² ny velaran-taniny ary miisa 3 869 873 ny mponiny araka ny fanisana natao tamin' ny 2013. Ny faritr' ora dia +4. Ny vohon-tanin’ i Ômàna dia ahitana tany lemaka amorontsiraka sy tandavan-tendrombohitra ary lembalemba anaty tany. Tany efitra ny ampahany be amin’ io firenena io. Ny tany lemaka amorontsiraka etiety, izay hita manamorona ny Hoalan' i Ômàna (ao andrefana), dia voahodidin’ ireo tendrombohitra Hajar (izay manana haambo 2 500 m ao amin' i Djbel Akhdar). Ery ampitan’ ny tangoron-tendrombohitra no ahitana ny tany efitra be fasik' i Wahiba sy ny tany efitra lehibe Ar Rub‘ al Khali; ity tany efitra ity no sisintany (mihoatra ny 800 km) manelanelana an’ i Ômana amin’ i Arabia Saodita. Ao amin’ ny ampahany be amin’ io firenena io dia mafana sady maina ny toetany.

Sarin-tanin' i Ômàna ao amin' ny Saikanosin' i Arabia

سلطنة عُمان ((ar))
Repoblikan' i Ômàna ((mg))
(Antsipirihany) (Antsipirihany)
Teny ofisialy	Araba
Renivohitra	Masqat 20°37′N 56°30′E
Tanàna lehibe indrindra	Masqat
Fitondrana sy governemanta  -	Repoblika
Velarantany  - Tontaliny  - Rano (%)	faha 70 309500 km² 0
Isam-ponina  - Tontaliny (2015)  - hakitroka	faha 126 4 298 320 mpo. 12,3 mpo./km²
Anaran'ny mponina	Ômàniana
Sandam-bola	Rial (OMR)
Faritr'ora	UTC
Hiram-pirenena	'
Valan-tsehatra internet
Antso an-tariby	++968

Ambany ny hakitroky ny mponina (olona 14 isaky ny km²). Maro ireo mpila ravinahitra avy any ivelany tonga miasa ao, avy any amin’ ny Zana-kôntinenta Indiana sy avy any Afrika Atsinanana. Ny ankabeazan’ ny Ômaney dia miozolmàna; nefa noho ny habetsahan’ ireo vahoaka vitsy an’ isa indiana, dia mpanaraka ny hindoisma ny manodidina ny 15 %n’ ny mponina.

Sahala amin’ ireo firenena hafa rehetra ao amin’ ny Hoala Persika i Ômàna, izay manana toekarena miompana amin’ ny fitrandrahana solitany. Ananany koa ny etona voajanahary na dia tsy tena voatrandraka aza izany.

Soltanata i Ômàna, izany hoe ny soltana no mitondra ny firenena, miaraka amin’ ny filan-kevitra ahitana mpikambana avy amin’ ireo foko ao amin’ ilay firenena.